मुजाहिद शेख ‘रायझिंग स्टार ऑफ द इयर’ पुरस्काराने राजस्थान मध्ये सन्मानित 

जामखेड येथे शामीरभाई मित्रमंडळाच्या वतीने सत्कार 

जामखेड प्रतिनिधी

 जामखेड येथील तरुण उद्योजक मुजाहिद जावेद शेख यांनी सीएनजी किट फिटिंग क्षेत्रात केलेल्या उल्लेखनीय कामगिरीची दखल घेत, देशातील नामांकित Mijo Auto कंपनीने ‘रायझिंग स्टार ऑफ द इयर’ या प्रतिष्ठित पुरस्काराने त्यांना सन्मानित केले आहे.

जामखेडच्या नावलौकीकात भर टाकणारे काम केल्याबद्दल माजी नगरसेवक शामीरभाई सय्यद यांच्या संकल्पनेतून शामीरभाई मित्र परिवाराच्या वतीने मुजाहिद शेख या नव उद्योजक तरूणाचा सत्कार करण्यात आला. यावेळी माजी नगरसेवक शामीरभाई सय्यद, मौलाना मुनीर साहब, जावेद शेख, शौकत सय्यद, समद सय्यद टेलर, सलाऊद्दीन सय्यद, खुदबुददीन शेख, नासीर शेख बिल्डर, मुनवर पठाण, शाकीर शेख सर, जूबेर शेख, तौफीक पठाण, हामीदभाई शेख, सादीक सय्यद, आदिल सय्यद, शहाबाज सय्यद, तौकीर पठाण, यासीर सय्यद, पप्पु शेख, असद शेख, सुफियान सय्यद यांच्यासह नागरिक मोठ्या संख्येने उपस्थित होते.

 राजस्थानमधील कुंभलगढ येथे कंपनीचा रौप्य महोत्सव अग्रगण्य सीएनजी किट उत्पादक कंपनीच्या रौप्य महोत्सवी वर्षाचे औचित्य साधून राजस्थानमधील कुंभलगढ येथे विशेष ‘डीलर मीट’चे आयोजन करण्यात आले होते. या भव्य कार्यक्रमात कंपनीचे डायरेक्टर रतन मित्तल यांच्या हस्ते मुजाहिद शेख यांना सन्मानित करण्यात आले.

यावेळी कंपनीचे वरिष्ठ अधिकारी आणि देशभरातील नामांकित वितरक उपस्थित होते. मुजाहिद शेख यांचा जामखेड नगर रोड येथे ‘एफ. के. कार केअर अँड सीएनजी फ्युल सिस्टम’ नावाचा व्यवसाय आहे. त्यांच्या या यशामागे काही महत्त्वाची कारणे अधोरेखित होतात. तांत्रिक कौशल्यः सीएनजी गाड्यांच्या तांत्रिक सेवेत त्यांनी विशेष प्राविण्य मिळवले आहे. सुरक्षेला प्राधान्यः गुणवत्तापूर्ण सेवा आणि सुरक्षित किट फिटिंगवर त्यांनी नेहमीच भर दिला. ग्राहकांचा विश्वासः प्रामाणिक व्यवहार आणि सातत्यपूर्ण परिश्रमांमुळे अल्पावधीतच त्यांनी ग्राहकांचा मोठा विश्वास संपादन केला आहे. विक्रीत वाढ: Mijo Auto सीएनजी किटची जामखेड परिसरात मोठी विक्री वाढवण्यात त्यांचा मोलाचा वाटा आहे. जामखेडच्या नावौकिकात भर स्थानिक स्तरावर शिक्षण घेऊन राष्ट्रीय पातळीवरील कंपनीचा पुरस्कार मिळवणे, ही जामखेडच्या वाहन क्षेत्रासाठी अत्यंत अभिमानाची बाब मानली जात आहे. आज अनेक नवीन पेट्रोल गाड्यांचे मालक विश्वासाने मुजाहिद यांच्याकडे सीएनजी किट बसवण्यासाठी येत आहेत.

“मुजाहिद शेख यांच्या या यशामुळे जामखेडच्या तांत्रिक क्षेत्राचा लौकिक वाढला असून, ग्रामीण भागातील तरुणांनाही जिद्दीने काम केल्यास राष्ट्रीय स्तरावर यश मिळू शकते, अशी प्रेरणा त्यांच्या रूपाने मिळाली आहे. “या यशाबद्दल मुजाहिद जावेद शेख यांच्यावर सध्या सर्व स्तरातून अभिनंदनाचा वर्षाव होत आहे.

प्रतिनिधी – सुबहान शेख 8177851985