पोलिस बंदोबस्तात व्यस्त फक्राबाद येथे दरोडा .मारहाण करत दोन लाखांचा ऐवज लूटला .गंभीर जखमींवर पुण्यात उपचार
तीनजण गंभीर जखमीं; पूणे येथे उपचार
पुण्यश्लोक अहिल्यादेवी होळकर जयंतीच्या निमित्ताने जामखेड तालुक्यात चौडी व परिसरात मोठा पोलीस बंदोबस्त तैनात होता अशा वेळी देखील दरोडेखोरांनी फक्राबाद येथे दरोडा टाकत लाखोंचा ऐवज लूटत चार जणांन मामारहाण करत गंभीर जखमी केले.
दरोडेखोरांच्या मारहाणीत फीर्यादी कौशल्या आण्णासाहेब आढावा वय ४८, अंगद अण्णासाहेब आढाव, मैनाबाई मधुकर पारे व वृध्द महीला सुभद्रा आण्णासाहेब आढाव हे चार जण गंभीर जखमी झाले आहेत.पोलिसांनी दिलेल्या माहितीनुसार या घटनेतील फीर्यादी कौशल्या आण्णासाहेब आढावा या आपल्या कुटुंबा समवेत फक्राबाद येथील आढाव वस्ती या ठिकाणी घरासमोरील पडवीमध्ये झोपले होते. या वेळी ३१ मे २०२६ रोजी रात्री १.१५ वाजण्याच्या सुमारास ७ ते८ जणांच्या दरोडेखोरांच्या टोळीने फीर्यादी यांच्या घरासमोर येऊन पडवी मध्ये झोपलेल्या चार जणांवर कोयता गज व काठीने मारहाण करण्यास सुरूवात केली.
यामध्ये फीर्यादी कौशल्या आण्णासाहेब आढावा वय ४८, अंगद अण्णासाहेब आढाव, मैनाबाई मधुकर पारे या तीन जणांची प्रकृती चिंताजनक असल्याने त्यांना पुढील उपचारासाठी पुणे येथे हलविण्यात आले आहे तर वृध्द महीला सुभद्रा आण्णासाहेब आढाव यांच्यावर जामखेड येथे उपचार सुरू आहेत.यानंतर दरोडेखोरांच्या टोळीने घरामध्ये प्रवेश करून घरातील सामानाची उचकापाचक करून कपाटातील रोख ४० हजार रूपये व दीड लाख रूपयांचे साडेतीन तोळे सोने असा एकुण १ लाख ९० हजार रूपयांचा ऐवज या दरोडेखोरांनी लंपास केला. यानंतर आरडाओरडा झाल्यावर आजुबाजुच्या वस्तीवरील लोक घटनास्थळी धावत आले मात्र तो पर्यंत दरोडेखोर अंधाराचा फायदा घेत फरार झाले. या प्रकरणी फीर्याद कौशल्य आण्णासाहेब आढावा यांनी जामखेड पोलीस स्टेशनला दिलेल्या फिर्यादीवरून सात ते आठ अज्ञात दरोडेखोरांवर गुन्हा दाखल करण्यात आला आहे. पुढील तपास पोलीस निरीक्षक दशरथ चौधरी हे करित आहेत.
RELATED ARTICLES