जामखेड प्रतिनिधी (सुबहान शेख )
जामखेडसह विविध जिल्ह्यातून चोरी केलेल्या मोटारसायकली हस्तगत करत दोन चोरट्यांना अटक करण्यात जामखेड पोलीसांना यश आले आहे.
सदर आरोपींकडून वेगवेगळ्या ठिकाणाहुन चोरी केलेल्या एकुण ३६ मोटारसायकल असा एकुण १०,३५,०००/- (दहा लाख पस्तीस हजार रुपये) किंमतीचा मुद्देमाल जप्त करण्यात आला आहे. जामखेड पोलीसांकडून सदर मोटरसायकल मालकांचा शोध घेण्याचे काम चालु असुन या मोटरसायकल ज्यांच्या असतील त्यांनी जामखेड पोलीस स्टेशनला संपर्क करावा असे आवाहन जामखेड पोलीस निरीक्षक महेश पाटील यांनी केले आहे. याबाबत दिलेल्या प्रसिद्धी पत्रकात म्हटले आहे की, जामखेड पोलीस स्टेशन हद्दीत जामखेड शहर बीटचे पोलीस कॉन्स्टेबल कुलदिप घोळवे व भगिरथ देशमाने हे बीट मार्शल पेट्रोलिंग करत असताना दि. १६ ऑगस्ट रोजी रात्री ८ :०० चे सुमारास जामखेड बसस्थानक या ठिकाणी गेले असता एक व्यक्ती बस स्थानकावर टु व्हिलर पार्किंग
केलेल्या वाहनांच्या आसपास विनाकारण व संशयीतरित्या बिगर नंबर प्लेट मोटरसायकलवर फिरत असताना मिळुन आला. त्याची चौकशी केली असता वैभव बाबासाहेब खेडकर रा. माहिजळगाव ता. कर्जत जि. अहमदनगर असे नाव सांगितले.
त्याचेकडे गाडीच्या नंबर प्लेट व कागदपत्राबाबत विचारपुस केली असता. तो उडबा उडवीची उत्तरे देवु लागला. त्यावेळी पोकाँ कुलदिप घोळवे व भगिरथ देशमाने यांना त्याचा संशय आल्याने पोलीस पथक बोलावुन त्यास चौकशी कामी ताब्यात घेतले. त्यास जामखेड पोलीस स्टेशनला आणुन त्याचेकडे अधिक चौकशी करत त्यास विश्वासात घेऊन त्याचेकडे सखोल चौकशी केली
असता. त्याने सांगितले की, मी व सुधिर शहाजी सुरवसे रा. माहिजळगाव ता. कर्जत जि. अहमदनगर असे आम्ही सध्या काहीएक कामधंदा करत नसल्याने आम्हाला दारु पिण्याकरीता व फिरायला पैशाची आवश्यकता असल्याने आम्ही जामखेड, श्रीगोंदा, कर्जत व इतर जिल्हयातील गर्दीच्या ठिकाणावरुन, बस स्थानक परीसरातुन तसेच बाजारातुन काही मोटार सायकली चोरी केलेल्या आहेत त्यांचेकडे चोरलेल्या मोटार सायकलबाबत कसून चौकशी केली असता त्यांनी सांगितले की, आम्ही चोरलेल्या मोटार सायकल काही दिवस वापरल्या होत्या व त्यानंतर आमचे नातेवाईकांना व ओळखीचे लोकांना खोटे सांगितले की, आम्ही फायनन्स कंपनीमध्ये करत असुन आमच्या कंपनीने ओढुन आनलेल्या मोटर सायकली आमच्याकडे आहेत.
असे खोटे बोलुन आम्ही काही मोटारसायकल ओळखीचे लोकांना व नातेवाईकांना विकल्या आहेत व काही वेगवेगळ्या ठिकाणी लपवुन ठेवलेल्या असुन मी त्यांची विक्री करीता ग्राहक शोधत आहे असे सांगितल्याने पोलीस पथकाने तात्काळ माहिजळगाव ता. कर्जत येथे जावुन त्याचा मित्र आरोपी सुधिर शहाजी सुरवसे यास ताब्यात घेतले. त्यानंतर आरोपी वैभव बाबासाहेब खेडकर (वय- ३५) व सुधिर शहाजी सुरवसे (वय ३२) दोघे रा. माहिजळगाव ता. कर्जत जि. अहमदनगर याचे चौकशी करुन खालील मोटार सायकली त्यांच्याकडुन पंचासमक्ष आरोपीचे नातेवाईक व वेगवेगळ्या ठिकाणी ठेवलेल्या जप्त करण्यात आलेल्या आहेत.
सदर आरोपीकडुन वेगवेगळ्या ठिकाणाहून चोरी केलेल्या एकुण ३६ मोटार सायकल असा एकुण १०,३५,००० (दहा लाख पस्तीस हजार रुपये) किंमतीचा मुददेमाल जप्त करण्यात आला असुन आरोपी जेरबंद आहेत. सदरच्या मोटर सायकल मालकांचा शोध घेण्याचे काम चालु असुन वरिल मोटर सायकल ज्यांच्या असतील त्यांनी जामखेड पोलीस ठाणेशी संपर्क करावा असे आवाहन जामखेड पोलीस स्टेशनचे पोलीस निरीक्षक महेश पाटील यांनी केले आहे. 
सदरची कारवाई अहमदनगरचे पोलीस अधिक्षक राकेश ओला, अप्पर पोलीस अधिक्षक प्रशांत खैरे, कर्जतचे उपविभागीय पोलीस अधिकारी विवेकानंद वाखारे यांचे मार्गदर्शनाखाली पोलीस निरीक्षक महेश पाटील, महिला सहाय्यक पोलीस निरीक्षक वर्षा जाधव, जामखेड शहर बीटाचे अंमलदार पोलीस हेडकॉन्टेबल प्रविण इंगळे, पोलीस नाईक संतोष कोपनर, जितेंद्र सरोदे पो काँ प्रकाश मांडगे, कुलदिप घोळवे, देविदास पळसे, ज्ञानेश्वर बेल्हेकर, भगिरथ देशमाने, जिब्राईल शेख व सायबर सेलचे पोलीस कॉन्स्टेबल नितीन शिंदे राहुल गुंडु यांनी केली आहे.
