कुख्यात गुंड निलेश घायवळला मोक्का न्यायालयाची क्लीन चिट,

निलेश घायवळसह सर्व आरोपींची निर्दोष मुक्तता

घायवळ चे गायवळ करून फरार

 सिटीझन प्रतिनिधी

पोलिसांच्या हातावर तुरी देऊन परदेशात फरार झालेला कुख्यात गुंड निलेश घायवळ याला एका खंडणीच्या प्रकरणात मोक्का न्यायालयाने दि29 सप्टेंबर 2026 रोजी निर्दोष मुक्त केले आहे. कारागृहात असताना खंडणी मागितल्याच्या प्रकरणात मोका न्यायालयाने निलेश घायवळसह सर्व आरोपींची निर्दोष मुक्तता केली. 2020 मध्ये घायवळ कारागृहात असताना संतोष धुमाळ याने फिर्यादीकडे भावाच्या रॅलीसाठी जीप देण्याच्या नावाखाली खंडणी मागितल्याचा आरोप होता.

गुन्हे शाखेने तपास करून गुन्हा उघडकीस आणला होता.मात्र, फिर्यादीने पोलिसांनी दबाव टाकून फिर्याद नोंदविल्याचा दावा करत न्यायालयात आरोप नाकारले. उच्च न्यायालयाच्या आदेशानंतर नोंदवलेल्या जबाबातही फिर्यादीने घटना घडली नसल्याचे सांगितले. खटल्यादरम्यान इतर साक्षीदार आणि पंचांनीही आरोप नाकारले. त्यामुळे न्यायालयाने आरोपींची निर्दोष मुक्तता केली. निलेश घायवळ सध्या देशाबाहेर असल्याचे सांगण्यात आले. न्यायालयीन सुनावणी दरम्यान फिर्यादी (तक्रारदार) आपल्या मूळ आरोपांपासून मागे हटला. त्याने कोर्टाला सांगितले की, मूळ तक्रार पोलीस आणि तपास यंत्रणेच्या दबावाखाली नोंदवण्यात आली होती.

याशिवाय इतर साक्षीदार आणि पंच साक्षीदारांनीही सरकारी पक्षाला पाठिंबा दिला नाही. पुराव्यांच्या अभावामुळे विशेष मोक्का न्यायालयाने घायवळसह इतर आरोपींची निर्दोष मुक्तता करण्यात आली. सध्या निलेश घायवळ पोलिसांना गुंगारा देऊन परदेशात फरार झाला आहे .

गेल्यावर्षी पुण्यातील कोथरुड येथे एका व्यक्तीवर गोळीबार करण्यात आला होता. या प्रकरणात घायवळ टोळीचा सहभाग असल्याची माहिती समोर आली होती. या घटनेनंतर पुणे पोलिसांनी निलेश घायवळ आणि त्यांच्या टोळीवर मकोका अंतर्गत कारवाईला सुरुवात केली होती. मात्र, याचा अगोदरच सुगावा लागलेला निलेश घायवळ पोलिसांना गुंगारा देत परदेशात फरार झाला होता. त्याच्याविरोधात रेड कॉर्नर नोटीस जारी करण्यात आली होती. मात्र, त्याने पासपोर्टसाठी अर्ज करताना आपल्या आडनावात “घायवळ” ऐवजी “गायवळ” असे नाव वापरल्याचे आढळले होते. याचा फायदा घेऊन निलेश घायवळ युरोपमध्ये पळून गेला होता.

2021 मधे निलेश घायवळला पुण्यातील एका दरोड्याच्या गुन्ह्यात अटक करण्यात आली आणि मकोका कायद्या अंतर्गत त्याच्यावर कारवाई करण्यात आली. पुढच्यावर्षी म्हणजे 2022 मधे घायवळला त्या गुन्ह्यात न्यायालयाकडून जामीन मिळाला होता.

तो देताना न्यायालयाने घायवळला त्याचा पासपोर्ट पोलीसांकडे जमा करण्याचे आदेश दिले होते. मात्रस घायवळने त्याचा पासपोर्ट पोलिसांकडे जमा केला नाही आणि हाच पासपोर्ट वापरुन सप्टेंबर महिन्याच्या मध्यावर निलेश घायवळ तीन महिन्यांचा व्हिसा मिळवून युरोपला फिरायला गेला‌ होता.

प्रतिनिधी यासीन शेख 9423391215