अबब जामखेड तालुक्यात बनावट दुध ?
बनावट दूध पावडरचा मोठा साठा जप्त;
खर्डा येथे एफडीएची ५.२७ लाखांची कारवाई, साठा जागीच नष्ट
अबब जामखेड तालुक्यात बनावट दुध ? बनावट दूध पावडरचा मोठा साठा जप्त; खर्डा येथे एफडीएची ५.२७ लाखांची कारवाई, साठा जागीच नष्ट
बनावट दूध पावडरचा मोठा साठा जप्त;
या जप्त करण्यात आलेल्या साठ्याची एकूण किंमत ५ लाख २७ हजार ५६० रुपये असल्याचे सांगण्यात आले आहे.या कारवाई दरम्यान पथकाला प्लास्टिकच्या २० किलो क्षमतेच्या तब्बल १२० विनालेबल पिशव्या आढळून आल्या. या सर्व पिशव्यांमध्ये बनावट दूध पावडर भरलेली होती.
या साठ्याबाबत रामदास भानुदास गोपाळघरे (वय २८, रा. नागोबाची वाडी) याची कसून चौकशी करण्यात आली असता अनेक धक्कादायक व गंभीर बाबी समोर आल्या. साठवणूक करण्यात आलेली ही दूध पावडर थेट जमिनीवर अस्वच्छ वातावरणात ठेवली होती, तसेच वरून छताचे पाणीही त्यावर गळत होते. या व्यतिरिक्त गोपाळघरे याच्याकडे अन्न साठवणुकीचा किंवा विक्रीचा कोणताही वैध परवाना (License) नव्हता. खरेदी-विक्रीचा कोणताही अधिकृत अभिलेख किंवा बिल तो अधिकाऱ्यांसमोर सादर करू शकला नाही.
याप्रकरणी अन्नसुरक्षा अधिकारी प्रदीप पवार यांनी दिलेल्या फिर्यादीवरून संशयित आरोपी रामदास भानुदास गोपाळघरे याच्याविरुद्ध खर्डा पोलिस ठाण्यात अन्न सुरक्षा आणि मानके कायद्यांतर्गत विविध कलमांनुसार गुन्हा दाखल करण्यात आला आहे. अन्न व औषध प्रशासनाच्या या धाडसी कारवाईमुळे जामखेड तालुक्यातील भेसळ करणाऱ्यांचे धाबे चांगलेच दणाणले आहेत.
प्रतिनिधी यासीन शेख 9423391215
RELATED ARTICLES